એક જ શબ્દ

એક જ શબ્દમાં હું તને, મારા મનનો ભાવ કહું,
પછી તારા મનનો ભાવ, મને થોડો સમજાવ કહું.

તમને જે લખેલું નથી વંચાતું મારી આંખમાં
એને કોઈને પણ, કોઈ પણ ભાષામાં વંચાવ કહું

ક્યાંક લખેલું છે મારું નામ તારી હથેળીમાં
આ અટપટી રેખાઓ કોઈ જોષી પાસે ઉકલાવ કહું

જાગતા ને ઊંઘતાં મને તારા જ સ્વપ્ના આવે
તું હોય કે તારું સ્વપ્ન, મનને થોડું બહેલાવ કહું

તારી હા કે ના માં ઝુલે જીવન અને મરણની પળ
એક જ શબ્દમાં આજે, લાગ્યો જીવનનો દાવ કહું.

ગિરીશ જોશી